Istoria Eskola Secundario Tecnico Vocacional Cristal Suai
Edukasaun sai nu’udar baze fundamental ba futuru ema idak-idak nian, iha sikun seluk edukasaun mos eduka no orienta ita ema atu sai ema lolos. Atu aprendizajen sira la’o di’ak hodi atinji objetivu ne’ebé ema hotu mehi, ita presiza la’o iha regulanmento ida ne’ebé bele sai hanesan baze ba atividade eskolar tomak iha ita nia Escola Técnico Vocasional sira hotu liu-liu iha Ensino Secundário Técnico Vacocional Cristal Suai ( ESTVCS ) ne’ebé foin hari’i iha Fulan Desembru Tinan 2016 iha Municipio Covalima Postu Administrativu Suai, Suku Ogues Aldeia Orun, ho total estudante 263. No hetan legalidade husi Ministerio Educação Juventude e Desportu ho Númeru Registu 1664.
ESTVC Suai ne’ebé hamahan’an iha Fundasaun Cristal ne’ebé hamrik atu tulun escolas ESTVC sira hodi bele hetan futuru ne’ebé di’ak. Baseia ba Diretór Fundasaun Cristal ne’ebé hato’o mai ita hanesan tuir mai ne’e:
ESTVC Suai mak escola ida ne’ebé diriji diretamente husi autoridade Fundasaun Cristal, ne’ebé rekoñese dokumentos husi Ministerio Educação Juventude e Desportu ho Registu 1664 no Fundasaun Cristal ne’e rasik.
Formasaun no edukasaun iha ESTVCS tenki tuir lala’ok Ministerio Educação Juventude e Desportu nomos Fundasaun Cristal nian.
Total profesór sira: hamutuk na’in 19 ne’ebé fundasaun rasik kontrata, husi total professor/a 19 ne’e feto 8 no mane 11.
Total estudante: Estudante tinan 2024 total hamutuk nain 193 ( 10o ano nain 96, 11o ano nain 46, 12o ano nain 51
Vizaun no visaun : atu lori juventude timor oan hotu bele iha etika moral hodi nune’e bele tane aas valor umana atu nune’e bele tulun diak liutan estadu no governo iha prosesu aprendizajem no prosesu konstrusaun nia laran.
Objetivu : tane aas valor nasionalizmu no patriotizmu liu husi dalan edukasaun atu nune’e bele lori jerasaun foun sira hetan sira nia futuru ida ho lolos.
Fasilidade : Ensinu Secundario Tekniku Vocacional Cristal Suai iha sala de aulas 6
Laboratóriu: iha laboratoriu kona-ba pratika komputador nian ida (1) buat hotu kompletu no sufisiente
Biblioteka : biblioteka ida (1) no fasilidade livru sira kada tinan oferese husi ministeriu edukasaun no inklui mos fundasaun rasik.
Pessoal seguransa : ESTV Cristal suai iha pessoal segurança nain ida ne’ebé eskola mak rekruta.
